Adran Dau: Casnewydd 4-0 Doncaster Rovers

Sgoriodd Seb Palmer-Houlden yn gynnar i roi'r dechrau perffaith i Gasnewydd

Mae Casnewydd wedi sicrhau eu buddugoliaeth gyntaf yn Adran Dau y tymor hwn, gan roi cweir i Doncaster.

Cafodd yr Alltudion y dechrau perffaith, gyda gôl gan Seb Palmer-Houlden yn eu rhoi ar y blaen wedi chwe munud.

Dyblwyd y fantais lai na 10 munud yn ddiweddarach trwy Will Evans, cyn i Richard Wood roi'r bêl i'w rwyd ei hun i'w gwneud hi'n 3-0 gyda dim ond 21 munud wedi'i chwarae.

Daeth pedwaredd gôl i'r tîm cartref ar ddechrau'r ail hanner, gydag Evans yn sgorio ei ail er mwyn selio buddugoliaeth gyfforddus i Gasnewydd.