Adran Dau: Casnewydd 3-1 Sutton United
- Cyhoeddwyd
Y drydedd fuddugoliaeth i Gasnewydd wedi pedair gêm
Gêm digon ddigynnwrf a ddi-sgôr oedd yng Nghasnewydd yn yr hanner cyntaf rhwng yr Alltudion a Sutton United yn Adran Dau.
Yn fuan yn yr ail hanner aeth Sutton ar y blaen drwy ergyd droed dde Omari Patrick o ganol y blwch cosb.
Gydag ugain munud ar ôl o'r gêm daeth yr Alltudion yn gyfartal gyda Joe Kizzi, cefnwr Sutton, yn sgorio yn ei gôl ei hun.
Fe wnaeth y gôl newid agwedd yr Alltudion ac fe ddaeth ail gôl i'r tîm cartref - croesiad gan Shane McLoughlin a Harry Charsley yn codi i benio'r bêl heibio Rose yn gôl Sutton.
Fe sgoriodd Wil Evans gôl arall wedyn yn munudau olaf y 90 munud wedi croesiad gan Seb Palmer-Houlden.
Yr Alltudion felly yn cipio tri phwynt ac yn codi i'r chweched safle yn y gynghrair.