Adran Dau: Casnewydd 1-1 Barrow
- Cyhoeddwyd
Siom amlwg Omar Bogle wedi ei gic aflwyddiannus o'r smotyn
Bu'n rhaid i 10 dyn Casnewydd fodloni ar bwynt yn erbyn Barrow yn Rodney Parade wedi i'r ymwelwyr ddod yn gyfartal o'r smotyn yn yr ail hanner.
Methodd Omar Bogle gyfle i roi'r Alltudion ar y blaen o'r smotyn ei hun, wedi 16 o funudau, yn dilyn trosedd yn erbyn Will Evans, ond taro'r postyn wnaeth y bêl.
Doedd dim camgymeriad gan Shane McLoughlin pan ergydiodd i'r rhwyd o bas Lewis Payne i wneud hi'n 1-0 wedi 40 o funudau.
Ychydig funudau wedi hynny fe gafodd Ryan Delaney ei hel o'r maes ar ôl cael ail garden felen.
Fe ildiodd Adam Lewis gic gosb yn yr ail hanner ac fe rwydodd Dean Campbell (68) i ddod â'r ymwelwyr yn gyfartal.
Mae pwynt yn codi Casnewydd o'r 13eg i'r 12fed safle yn Adran Dau.