Arestio dau ddyn wedi ymosodiad yn Abertawe
- Cyhoeddwyd
Fe ddigwyddodd yr ymosodiad ger tafarn y Villiers Arms yn ardal Hafod yn Abertawe
Mae dau ddyn wedi cael eu harestio ar amheuaeth o ymosod ar ddyn yn Abertawe.
Cafodd y dyn, 26, ei adael mewn cyflwr difrifol wedi'r ymosodiad ger tafarn y Villiers Arms ar Stryd y Bont yn ardal Hafod.
Wedi iddo deithio adref i Birmingham ar 21 Hydref, y diwrnod yr oedd Abertawe yn chwarae pêl-droed yn erbyn Caerlŷr, fe syrthiodd.
Yn gynharach dywedodd yr heddlu ei fod wedi gwrthod cymorth meddygol.
Cafodd y ddau ddyn, 29 a 31 - y naill o Sgeti a'r llall o Townhill - eu harestio ddydd Sadwrn.