Dyn 32 oed wedi marw yn dilyn gwrthdrawiad yn Sir Gâr
- Cyhoeddwyd
Fe ddigwyddodd y gwrthdrawiad ar y B4336 rhwng pentrefi Llanllwni a Llanfihangel-ar-arth
Mae dyn 32 oed wedi marw yn dilyn gwrthdrawiad rhwng tri cherbyd ar y B4336 yn Sir Gâr.
Cafodd pedwar o bobl eu cludo i'r ysbyty yn dilyn y digwyddiad tua 22:00 nos Wener rhwng pentrefi Llanllwni a Llanfihangel-ar-arth.
Roedd fan Vauxhall Combo wen, BMW X5 llwyd a Ford Fiesta glas yn rhan o'r gwrthdrawiad.
Yn ôl Heddlu Dyfed-Powys, sy'n apelio am dystion posib, bu farw'r dyn 32 oed yn y fan a'r lle.
Mae swyddogion arbenigol yn rhoi cymorth i'w berthnasau.