Penodi Nia Bennett yn gadeirydd newydd yr Urdd

Deio Siôn Llewelyn Owen, Nia Bennett a Emily PembertonUrdd

Nia Bennett, canol, gyda'r ymddiriedolwyr ifanc Deio Siôn Llewelyn Owen ac Emily Pemberton

Mae Urdd Gobaith Cymru wedi penodi Nia Bennett fel cadeirydd newydd y mudiad ieuenctid.

Mae hi'n olynu Dyfrig Davies sydd wedi camu'n ôl ar ôl chwe blynedd wrth y llyw.

Yn dilyn ei phenodiad dywedodd Nia: "Rwy'n awyddus i sicrhau bod yr Urdd yn gwbl gynhwysol, yn ymestyn ei gyrhaeddiad ac yn parhau i ddatblygu a gweithredu ar syniadau ein pobl ifanc.

"Drwy gynnig cyfleoedd i bawb - beth bynnag eu cefndir - i ehangu eu sgiliau a'u profiadau, rydym yn cyfrannu at ddatblygiad Cymry'r dyfodol, a thrwy hynny dyfodol Cymru."

Cafodd ei hethol yn ymddiriedolwr yn 2021 ac mae'n gadeirydd Panel Adnoddau Dynol yr Urdd ers 2018.

Yn fam i dri, wedi ei geni yn Bolton a'i magu yn Llanfairpwll, Ynys Môn, mae hi wedi treulio cyfnodau yn byw yn Aberystwyth, Y Felinheli a Brwsel.

Ymgartrefodd wedyn yng Nghaerdydd lle bu'n gweithio yn y maes cynhwysiant ac adnoddau dynol cyn cael ei phenodi yn gyfarwyddwr corfforaethol.

Erbyn hyn mae'n gyfarwyddwr cwmni effectusHR, ac yn ymgymryd â gwaith prosiectau adnoddau dynol ac anogi uwch reolwyr.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Urdd Gobaith Cymru

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Mae'r Urdd hefyd wedi cyhoeddi bod dau aelod newydd wedi'u penodi yn ymddiriedolwyr ifanc, sef Deio Siôn Llewelyn Owen ac Emily Pemberton.

Yn hannu o Grangetown, Caerdydd mae Emily'n gweithio fel Cydlynydd Cydraddoldeb, Amrywiaeth, a Gwrth-hiliaeth i'r Coleg Cymraeg Cenedlaethol.

Cyfrannodd at Neges Heddwch ac Ewyllys Da yr Urdd 2023 ac ymweld ag Alabama union 60 mlynedd ar ôl ffrwydrad Eglwys y Bedyddwyr ar 16th Street, Birmingham er mwyn adeiladu ar y berthynas rhwng y ddinas a Chymru.

Yn wreiddiol o gyrion Pwllheli yng Ngwynedd mae Deio bellach yn byw yn y brifddinas ac yn Is-Lywydd Iaith, Diwylliant a Chymuned Cymru cyntaf Undeb Myfyrwyr Caerdydd, ble mae hefyd yn ymddiriedolwr yr undeb a Phrifysgol Caerdydd.

Dywedodd Siân Lewis, Prif Weithredwr yr Urdd: "Mae'r penodiadau newydd hyn yn sicrhau ein bod yn parhau â'n taith o fod yn sefydliad blaengar.

"Mae amrywiaeth o safbwyntiau, ystwythder yn ein penderfyniadau ac ystod eang o sgiliau perthnasol yn hanfodol i gyflawni ein strategaeth 'Urdd i Bawb'."

Pynciau cysylltiedig

Straeon perthnasol