Cwmni adeiladu Barrat i brynu Redrow o'r gogledd

Mae cwmni adeiladu tai Barratt Developments wedi cytuno i brynu cwmni Redrow, sydd â'i bencadlys yn Ewloe yn Sir y Fflint.

Mae'r cytundeb rhwng dau gwmni adeiladu tai mwyaf y DU yn werth £2.5bn.

Fe allai'r uno arwain at golli 10% o staff rhwng y ddau gwmni yn sgil ailstrwythuro ond dywed llefarydd ar ran Barratt y bydd safleoedd y ddau gwmni yn aros.

Enw'r cwmni newydd fydd Barratt Redrow a'r bwriad yw cyflymu y broses o godi tai "sydd eu hangen yn ddirfawr".