Eira wedi disgyn dros rannau o Gymru

Eira ar y Preselau yn Sir Benfro fore Gwener

Mae eira wedi disgyn dros rai ardaloedd yng Nghymru dros nos.

Mae lluniau yn dangos blancedi gwyn dros rannau o Geredigion, Powys, ac ar y Preselau yn Sir Benfro fore Gwener.

Yn ôl y Swyddfa Dywydd, mae disgwyl rhagor o gawodydd gaeafol ar dir uchel brynhawn Gwener, cyn i'r cawodydd gaeafol glirio erbyn y nos.

Mae rhybudd melyn am law trwm dros y rhan fwyaf o Gymru tan 15:00 ddydd Gwener.

Roedd eira a glaw trwm mewn sawl rhan o Gymru am 06:00 fore Gwener

Eira ar y caeau yn Ffostrasol, Ceredigion fore Gwener

Mae disgwyl hyd at 15mm o law ar gyfartaledd ymhob rhan o Gymru, heblaw am Ynys Môn a rhannau o'r Gogledd Ddwyrain a Gogledd Orllewin.

Mae rhybudd y gallai hyd at 30mm o law ddisgyn mewn rhai ardaloedd.