Eich lluniau chi o'r Urdd

Ers cenedlaethau mae miloedd o Gymry Cymraeg wedi mwynhau gweithgareddau amrywiol yn enw Urdd Gobaith Cymru.

Ers 1922 mae plant Cymru wedi mwynhau cymdeithasu a chystadlu drwy gyfrwng y Gymraeg.

Fe gafodd yr Urdd ei sefydlu wedi i Syr Ifan ab Owen Edwards anfon gwahoddiad yn rhifyn mis Ionawr o Cymru'r Plant.

Roedd yn apelio arnyn nhw i ymuno â mudiad newydd a ddaeth yn Urdd Gobaith Cymru.

Ar Newyddion nos Fawrth fe ddangoswyd rhai lluniau o weithgareddau'r Urdd dros y blynyddoedd.

Os oes ganddoch chi luniau o'ch cyfnod chi gyda'r Urdd anfonwch nhw at [e-mail] gyda manylion, er mwyn eu cynnwys mewn oriel cyn diwedd yr wythnos.