Nid "pêl wleidyddol" yw'r gwasanaeth iechyd medd undeb

Tina Donnelly

Mae Ms Donnelly am i'r pleidiau gytuno ar strategaeth iechyd

Ni ddylai gwleidyddion ddefnyddio'r gwasanaeth iechyd fel ''pêl wleidyddol'', yn ôl cyfarwyddwraig y Coleg Nyrsio Brenhinol yng Nghymru.

Gwnaeth ei sylwadau yn dilyn wythnos pan gyhoeddwyd fod y

Dywedodd Tina Donnelly fod sgorio pwyntiau gwleidyddol dros gyflwr y gwasanaeth iechyd wedi gadael nyrsys yn ''ddigalon''.

''Oni fyddai'n beth gwych petai'r pleidiau gwleidyddol yn cytuno ar eu strategaeth ar gyfer y gwasanaeth iechyd?'', meddai.

Dywedodd y Gweinidog Iechyd Mark Drakeford ei fod yn canolbwyntio ar wella'r gwasanaeth iechyd yng Nghymru.

''Byddai cytundeb yn tynnu'r gwasanaeth iechyd allan o faniffestos pleidiau'', dywedodd Ms Donnelly wrth raglen Sunday Politics Wales BBC Cymru.

Ychwanegodd Mr Drakeford: ''Rwy'n cytuno'n llwyr gyda Tina Donnelly.

''Fy mlaenoriaeth ydi gwella'r gwasanaeth iechyd yng Nghymru, nid beirniadu'r gwasanaeth iechyd yn Lloegr''.

Gwrthododd Llywodraeth San Steffan a gwneud sylw ar y mater.