Liam Williams yn gefnwr i herio De Affrica

Liam WilliamsGetty Images

Fe wnaeth Liam Williams ennill ei 50fed cap yn erbyn Tonga

Bydd Liam Williams yn dechrau yn safle'r cefnwr, gyda Gareth Anscombe yn faswr, wrth i Gymru wneud 14 newid i herio De Affrica yng Nghaerdydd ddydd Sadwrn.

Williams yw'r unig chwaraewr i gadw ei le o'r 15 ddechreuodd yn erbyn Tonga, ond mae'n symud o'r asgell oherwydd yr anaf i Leigh Halfpenny.

Oni bai am hynny, dyma'r un tîm drechodd Awstralia yn y brifddinas bythefnos yn ôl.

Mae Cymru'n anelu i ennill pob un o'u gemau yng Nghyfres yr Hydref am y tro cyntaf, yn dilyn y buddugoliaethau yn erbyn Yr Alban, Awstralia a Tonga.

Dyma hefyd fyddai eu nawfed fuddugoliaeth yn olynol.

Does dim newid i dîm De Affrica o'r 15 wnaeth guro'r Alban 26-20 ddydd Sadwrn.

Cefnogi Gareth Thomas

Mae Undeb Rygbi Cymru wedi cadarnhau y bydd y tîm yn gwisgo careiau lliwiau'r enfys ddydd Sadwrn i "ddangos cefnogaeth" i Gareth Thomas.

Fe wnaeth llanc 16 oed ymosod ar y cyn-gapten yng Nghaerdydd dros y penwythnos, ac yn ôl Thomas roedd hynny oherwydd ei rywioldeb.

Mae tîm cenedlaethol Ffrainc eisoes wedi dweud y byddan nhw'n gwisgo careiau lliwiau'r enfys ar gyfer eu gêm yn erbyn Ffiji nos Sadwrn.

Careiau lliwiau'r enfysGetty Images

Cafodd ymgyrch careiau lliwiau'r enfys ei lansio gan elusen Stonewall

Presentational grey line

Tîm Cymru:

Liam Williams; George North, Jonathan Davies, Hadleigh Parkes, Josh Adams; Gareth Anscombe, Gareth Davies; Nicky Smith, Ken Owens, Tomas Francis, Adam Beard, Alun Wyn Jones (c), Dan Lydiate, Justin Tipuric, Ross Moriarty

Eilyddion: Elliot Dee, Rob Evans, Dillon Lewis, Cory Hill, Ellis Jenkins, Tomos Williams, Dan Biggar, Owen Watkin.

Tîm De Affrica:

Willie le Roux; Sbu Nkosi, Jesse Kriel, Damian de Allende, Aphiwe Dyantyi; Handré Pollard, Embrose Papier; Steven Kitshoff, Malcolm Marx, Frans Malherbe, RG Snyman, Franco Mostert, Siya Koli (c), Pieter-Steph du Toit, Duane Vermeulen.

Eilyddion: Bongi Mbonambi, Thomas du Toit, Vincent Koch, Eben Etzebeth, Francois Louw, Ivan van Zyl, Elton Jantjies, Cheslin Kolbe.

Straeon perthnasol