UKIP yn galw am refferendwm ar gael gwared â'r Cynulliad

Bydd y Cynulliad yn dathlu ei ben-blwydd yn 25 yn 2024

Mae UKIP wedi mabwysiadu polisi o wrthwynebu'r Cynulliad Cenedlaethol.

Dywed y blaid yng Nghymru eu bod eisiau i refferendwm gael ei chynnal ar y cwestiwn o gael gwared ar y Cynulliad.

Maen nhw eisiau i'r bleidlais gael ei chynnal yn 2024, ar ben-blwydd y sefydliad yn 25 oed.

Deellir fod y polisi wedi derbyn sêl bendith unfrydol Pwyllgor Gweithredol UKIP.

• Ffrae UKIP dros aelodaeth Tommy Robinson

• Fideo gan AC UKIP yn 'weithred sarhaus'

Cafodd pennaeth UKIP yng Nghymru, Gareth Bennett, ei ethol gan aelodau'r blaid (tua 900) yng Nghymru ym mis Awst 2018.

Gareth Bennett: Am gael refferendwm ar ddatganoli

Mae Mr Bennett wedi ceisio newid polisi'r blaid ar ddatganoli ers rhai misoedd.

Dywedodd UKIP y bydd y polisi ar ddatganoli yn ogystal â Brexit nawr yn rhan flaenllaw o'u hymgyrchu ar gyfer isetholiad Gorllewin Casnewydd ar 4 Ebrill.