Dyn yn y llys wedi'i gyhuddo o lofruddiaeth yn Abertawe

Roedd Jason Shaun Farrell yn ymddangos ger bron Llys Ynadon Abertawe fore Llun

Mae dyn wedi ymddangos yn y llys wedi'i gyhuddo o lofruddio dynes 22 oed yn Abertawe yr wythnos ddiwethaf.

Cafwyd hyd i gorff Sammy-Lee Lodwig yn dilyn adroddiadau o ymosodiad difrifol yn ardal Carlton Terrace ar 23 Ebrill.

Fe wnaeth Jason Shaun Farrell, 49 o Abertawe, ymddangos ger bron Llys Ynadon Abertawe fore Llun.

Cafodd ei gadw yn y ddalfa nes ei ymddangosiad nesaf yn Llys y Goron y ddinas ddydd Mawrth.

Mae Mr Farrell hefyd wedi'i gyhuddo o glwyfo dyn arall gyda'r bwriad o achosi niwed corfforol difrifol ar 20 Ebrill.

Mae teulu Sammy-Lee Lodwig dal i dderbyn cefnogaeth gan yr heddlu