Wrecsam yn ail-benodi Dean Keates fel rheolwr

Dean KeatesRex Features

Fe wnaeth Dean Keates ennill 25 o'i 70 gêm fel rheolwr Wrecsam

Mae Clwb Pêl-droed Wrecsam wedi ail-benodi Dean Keates fel rheolwr ar gytundeb dwy flynedd.

Bu Keates yn rheolwr ar y clwb o Hydref 2016 cyn gadael ym mis Mawrth 2018 i gymryd swydd Walsall.

Mae'n cymryd yr awenau oddi wrth Brian Flynn, sydd wedi bod wrth y llyw dros dro yn dilyn penderfyniad y clwb i ddiswyddo Bryan Hughes.

Mae Keates - a gollodd ei swydd gyda Walsall ym mis Ebrill eleni - wedi arwyddo cytundeb tan haf 2021.

Mae Flynn wedi gadael y clwb, gydag Andy Davies yn dychwelyd fel is-reolwr.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Waynne Phillips

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Dywedodd y clwb eu bod nhw wedi cyfweld â phum person, ond mai Keates "oedd y person gorau i'r swydd o bell ffordd".

Fe chwaraeodd Keates dros 160 o gemau i'r Dreigiau fel capten, cyn ymddeol yn 2015.

Ef oedd y capten pan enillodd Wrecsam Tlws FA Lloegr yn 2013.

Straeon perthnasol