Marwolaeth Cimla: Cyhoeddi enw dyn 66 oed

Cafodd corff Wayne Pugh ei ganfod mewn tŷ ar Heol Talbot yng Nghimla

Mae'r heddlu wedi cyhoeddi enw dyn 66 oed gafodd ei ganfod yn farw yn ardal Castell-nedd yn gynharach yn yr wythnos.

Cafodd corff Wayne Pugh ei ganfod mewn tŷ ar Heol Talbot yng Nghimla am tua 22:30 ddydd Mercher.

Dywedodd teulu Mr Pugh mewn datganiad eu bod "wedi ein tristau gyda'r golled sydyn".

Mae dyn 54 oed gafodd ei arestio mewn cysylltiad â'r farwolaeth wedi cael ei ryddhau dan ymchwiliad.

Dywedodd Heddlu De Cymru nad ydyn nhw'n chwilio am unrhyw un arall mewn cysylltiad â'r digwyddiad ond maen nhw yn apelio ar unrhyw un sydd â gwybodaeth am y digwyddiad i gysylltu â'r llu.