Rygbi merched: Iwerddon 13-15 Cymru

Llwyddodd tîm rygbi merched Cymru i drechu Iwerddon yn Nulyn brynhawn Sadwrn diolch i gais Keira Bevan yn yr eiliadau olaf.

Fe wnaeth Linda Djougang ac Enya Breen groesi am geisiau i'r tîm cartref, ond ni lwyddodd Ellen Murphy i'w trosi.

Aeth Cymru i mewn i'r 10 munud olaf yn gyfartal yn dilyn cais i Sioned Harries a phum pwynt o droed Robyn Wilkins.

Rhoddodd Murphy y tîm cartref ar y blaen gyda gôl gosb cyn i Bevan sgorio cais yn yr eiliadau olaf i sicrhau'r fuddugoliaeth i Gymru.