Chwe Gwlad: Pryder am ffitrwydd Elliot Dee

Mae anafiadau'r bachwr Elliot Dee yn bryder i hyfforddwr newydd Cymru, Wayne Pivac cyn gêm agoriadol Cymru ym Mhencampwriaeth y Chwe Gwlad yn erbyn yr Eidal.

Dyw Dee heb hyfforddi llawer oherwydd problem gyda'i asen, medd hyfforddwyr ymosod Cymru, Stephen Jones.

Er bod yna amheuaeth a fyddai Owen Watkin yn holliach ar ôl cael anaf i'w ben-glin mae yntau wedi bod yn hyfforddi gyda'r garfan.

Ond mae sawl opsiwn ar gyfer rhif 13 gyda'r posibilrwydd o gael George North neu Nick Tompkins yn ei le.

• Owen Lane i fethu'r Chwe Gwlad ag anaf

• 'Llwybr heriol' tuag at y Chwe Gwlad

• Pump heb gap yng ngharfan y Chwe Gwlad

Dywedodd hefyd fod Taulupe Faletau a Johnny McNicholl wedi cymryd rhan yn yr ymarfer er gwaetha' pryderon am fan anafiaduau iddyn nhw.

Ychwanegodd Jones fod yr asgellwr 18 oed Louis Rees-Zammit wedi dychwelyd i hyfforddi o'i glwb, a'i fod yn chwaraewr sydd a "thalent anhygoel".

Mae disgwyl i'r tîm i herio'r Eidal gael ei gyhoeddi ddydd Iau.