Cyhoeddi enillwyr Seremoni BAFTA Cymru

Roedd Emma Walford a Trystan Ellis Morris yn rhannu'r wobr am y 'Cyflwynydd Gorau' am eu gwaith ar Prosiect Pum Mil

Roedd Jonathan Pryce, Ruth Wilson a The Left Behind ymhlith enillwyr Gwobrau BAFTA Cymru a gafodd eu cyhoeddi nos Sul.

Hon oedd 29ain seremoni Gwobrau BAFTA Cymru ac fe gafodd ei darlledu ar sianeli Facebook, Twitter a YouTube BAFTA oherwydd cyfyngiadau Covid.

Cafodd y noson ei harwain gan y cyflwynydd teledu, Alex Jones ac ymhlith y cyflwynwyr gwobrau oedd Catherine Zeta-Jones, Katherine Jenkins, Asif Kapadia, George Lucas a Tom Ellis - a hynny drwy gyswllt fideo.

Cafodd y seremoni ei chynnal fel sioe stiwdio gaeëdig lle y cedwir pellter cymdeithasol, ac fe gafodd yr enwebeion gyfle i dderbyn eu gwobrau'n rhithwir.

Bydd Catherine Zeta-Jones yn un o'r rhai a fydd yn cyflwyno gwobrwyon

'Ar y rhestr fer am y tro cyntaf'

Roedd 20 o'r rhai sydd wedi eu henwebu ar gyfer BAFTA Cymru eleni wedi cyrraedd y rhestr fer am y tro cyntaf gan gynnwys Hanna Jarman a Mari Beard a'r actor ifanc Sion Daniel Young.

Y ddrama 'His Dark Materials' gafodd y mwyaf o enwebiadau y tro hwn, sef naw.

The Left Behind enillodd y wobr Drama Deledu, gan guro Keeping Faith/Un Bore Mercher, His Dark Materials ac In My Skin.

Ymhlith yr enillwyr eraill oedd y gyfres boblogaidd i blant ar S4C, Deian a Loli - a hynny am yr eildro - Cyrn ar y Mississippi oedd y Rhaglen Adloniant Orau, ac enillwyd y wobr Cyfres Ffeithiol gan Ysgol Ni: Maesincla.

Rhai o sêr ifanc cyfres Ysgol Ni: Maesincla, a enillodd y brif wobr yn y categori Rhaglen Ffeithiol yng Ngwobrau Bafta Cymru nos Sul

Eisoes cyhoeddwyd mai'r Cyfarwyddwr Celf a'r Dylunydd Cynhyrchu, Leslie (Les) Dilley, a anwyd yn y Rhondda, oedd derbynydd y 29ain Wobr am Gyfraniad Rhagorol i Ffilm a Theledu.

"Mae Les Dilley yn ysbrydoliaeth enfawr", meddai Angharad Mair, Cadeirydd BAFTA Cymru. "Ef oedd un o'r bobl oedd yn gwthio y garreg fawr honno yn Raiders of the Lost Ark. "

"Roedd yn gyfrifol am R2D2 ar y set yn y ffilm Star Wars gyntaf a gweithiodd ar set cartref Luke yn Tunisia. Mae ganddo gymaint o straeon o'i bum degawd o waith ar fwy na 40 o wahanol brosiectau ffilm a theledu gyda'r enwau mwyaf yn y busnes - George Lucas, Ridley Scott, Steven Spielberg, John Landis, James Cameron a Mimi Leder. A dechreuodd y cyfan yng Nghymru."

Cafodd His Dark Materials ei ffilmio ar leoliadau yn ne Cymru

Dywedodd Angharad Mair: "Rwy'n falch iawn o weld cynifer o ymarferwyr crefft benywaidd yn cael eu cydnabod eleni, yn ogystal â'r ganran uchel o'r rhai a dderbyniodd eu gwobr BAFTA gyntaf. Llongyfarchiadau i'r holl enwebeion ac enillwyr."

Wrth longyfarch yr enillwyr meddai Amanda Rees, Comisiynydd Cynnwys S4C: "Ry'n ni wrth ein bodd o ennill pum gwobr BAFTA Cymru heno. Eleni eto mae llwyddiannau S4C yn dyst i ymroddiad a chreadigrwydd y sector.

"Mae amryw o unigolion a chwmnïau cynhyrchu talentog yn creu cynnwys o'r safon uchaf all gydio yn nychymyg y gwylwyr."

ENILLWYR GWOBRAU BAFTA CYMRU 2020

CYFRANIAD EITHRIADOL I DELEDU

LES DILLEY

ACTOR

ENILLYDD: JONATHAN PRYCE fel Cardinal Jorge Mario Bergoglio/Pope Francis YN The Two Popes

Hefyd wedi eu henwebu:

ANTHONY HOPKINS fel Pope Benedict XVI YN The Two Popes

ROB BRYDON fel Rob YN The Trip to Greece

SION DANIEL YOUNG fel Gethin YN The Left Behind

ACTORES

ENILLYDD: RUTH WILSON fel Mrs Coulter YN His Dark Materials

Hefyd wedi eu henwebu:

DAFNE KEEN fel Lyra Belacqua YN His Dark Materials

GABRIELLE CREEVY fel Bethan Gwyndaf YN In My Skin

SALLY HAWKINS fel Jane YN Eternal Beauty

DRAMA DELEDU

ENILLYDD: THE LEFT BEHIND

Hefyd wedi eu henwebu:

HIS DARK MATERIALS

IN MY SKIN

UN BORE MERCHER / KEEPING FAITH

TORRI TRWODD

ENILLYDD: LISA WALTERS ar gyfer On the Edge: Adulting

Hefyd wedi eu henwebu:

HANNA JARMAN a MARI BEARD ar gyfer Merched Parchus

MARTIN READ ar gyfer The Insomniacs

SEBASTIAN BRUNO a DAVID BARNES The Dynamic Duo

RHAGLEN BLANT

ENILLYDD: DEIAN A LOLI

Hefyd wedi eu henwebu:

CIC

PROJECT Z

DYLUNIO GWISGOEDD

ENILLYDD: SIAN JENKINS ar gyfer Eternal Beauty

Hefyd wedi eu henwebu:

CAROLINE MCCALL ar gyfer His Dark Materials

RAY HOLMAN ar gyfer Fleabag

CYFARWYDDWR: FFEITHIOL

ENILLWYR: SIÔN AARON a TIMOTHY LYN ar gyfer Eirlys, Tim a Dementia

Hefyd wedi eu henwebu:

MARC EVANS ar gyfer The Prince and the Bomber

MEI WILLIAMS ar gyfer Tudur Owen: O Fôn i'r Lleuad

LAURA MARTIN ROBINSON ar gyfer Warriors: Our Homeless World Cup

CYFARWYDDWR: FFUGLEN

ENILLYDD: LUCY FORBES ar gyfer In My Skin

Hefyd wedi eu henwebu:

CRAIG ROBERTS ar gyfer Eternal Beauty

JOSEPH BULLMAN ar gyfer The Left Behind

LEE HAVEN JONES ar gyfer Doctor Who (Spyfall Part 2)

GOLYGU

ENILLYDD: REBECCA TROTMAN ar gyfer Doctor Who

Hefyd wedi eu henwebu:

GERAINT HUW REYNOLDS ar gyfer The Prince and the Bomber

NIVEN HOWIE a STEPHEN HAREN ar gyfer His Dark Materials

STEPHEN HAREN ar gyfer Eternal Beauty

RHAGLEN ADLONIANT

ENILLYDD: CYRN AR Y MISSISSIPPI

Hefyd wedi eu henwebu:

HENO

PRIODAS PUM MIL

THE TUCKERS

CYFRES FFEITHIOL

ENILLYDD:YSGOL NI: MAESINCLA

Hefyd wedi eu henwebu:

CORNWALL: THE FISHING LIFE

WALES: LAND OF THE WILD / CYMRU WYLLT

WARRIORS: OUR HOMELESS WORLD CUP

COLUR A GWALLT

ENILLYDD: MELANIE LENIHAN ar gyfer War of the Worlds

Hefyd wedi eu henwebu:

JILL CONWAY ar gyfer The Left Behind

PAMELA HADDOCK ar gyfer His Dark Materials

NEWYDDION A MATERION CYFOES

ENILLYDD: FLOODING STRIKES THE SOUTH WALES VALLEYS

Hefyd wedi eu henwebu:

WALES INVESTIGATES INSIDE THE UK'S PUPPY FARM CAPITAL

Y BYD AR BEDWAR

CERDDORIAETH WREIDDIOL

ENILLYDD: JONATHAN HILL ar gyfer The Long Song

Hefyd wedi eu henwebu:

MARK THOMAS ar gyfer Last Summer

JOHN HARDY MUSIC ar gyfer Steel Country

KARL JENKINS a JODY JENKINS ar gyfer Wales: Land of the Wild / Cymru Wyllt

FFOTOGRAFFIAETH A GOLEUO: FFUGLEN

ENILLYDD:SUZIE LAVELLE ar gyfer His Dark Materials

Hefyd wedi eu henwebu:

BJORN BRATBERG FNF ar gyfer Bang

DAVID HIGGS ar gyfer His Dark Materials

DAVID WILLIAMSON ar gyfer War of the Worlds

CYFLWYNYDD

ENILLWYR: EMMA WALFORD a TRYSTAN ELLIS-MORRIS YN Prosiect Pum Mil

Hefyd wedi eu henwebu:

CARYS ELERI YN Carys Eleri'n Caru

ELIS JAMES YN Elis James - Funny Nation

HAYLEY PEARCE YN Hayley Goes…Sober

DYLUNIO CYNHYRCHU

ENILLYDD: JOEL COLLINS ar gyfer His Dark Materials

Hefyd wedi eu henwebu:

ARWEL WYN JONES ar gyfer Dracula

TIM DICKEL ar gyfer Eternal Beauty

FFILM FER

ENILLYDD: SALAM

Hefyd wedi eu henwebu:

THE ARBORIST

CREEPY PASTA SALAD

PALE SAINT

RHAGLEN DDOGFEN UNIGOL

ENILLYDD: THE PRINCE AND THE BOMBER

Hefyd wedi eu henwebu:

GARETH THOMAS: HIV AND ME

THE MURDER OF JILL DANDO

TUDUR OWEN; O FÔN I'R LLEUAD

SAIN

ENILLYDD: Y TÎM CYNHYRCHU ar gyfer Good Omens

Hefyd wedi eu henwebu:

ALEX ASHCROFT ar gyfer The Last Tree

Y TÎM CYNHYRCHU ar gyfer Sex Education

AWDUR

ENILLYDD:KAYLEIGH LLEWELLYN ar gyfer In My Skin

Hefyd wedi eu henwebu:

ALAN HARRIS ar gyfer The Left Behind

HANNA JARMAN a MARI BEARD ar gyfer Merched Parchus

RUSSELL T DAVIES ar gyfer Years and Years