Wrecsam gam yn nes at berchnogion newydd o Hollywood

Ryan Reynolds (chwith) a Rob McElhenney

Mae sêr Hollywood Ryan Reynolds a Rob McElhenney gam yn nes at fod yn berchnogion newydd Clwb Pêl-droed Wrecsam.

Mewn datganiad ddydd Mawrth, fe wnaeth Ymddiriedolaeth Cefnogwyr Wrecsam gadarnhau bod y ddwy ochr wedi arwyddo cytundeb ar gyfer y pryniant.

Cyn bod y cytundeb yn derfynol, mae'n rhaid cael sêl bendith yr Awdurdod Ymddygiad Ariannol (FCA), ac maen nhw'n disgwyl am hynny ar hyn o bryd.

Datgelwyd ym mis Medi y llynedd mai'r ddau oedd y dynion busnes dirgel oedd yn gobeithio buddsoddi £2m i'r clwb.

Ar hyn o bryd mae Wrecsam yn yr wythfed safle yng Nghynghrair Genedlaethol Lloegr.