Cyfaddef dynladdiad Keyron Curtis, oedd ar fin dod yn dad

Roedd Keyron Curtis yn disgwyl ei blentyn cyntaf ymhen rhai wythnosau pan fu farw

Mae dyn wedi cyfaddef dynladdiad dyn 21 oed oedd ar fin dod yn dad yn ne Cymru.

Bu farw Keyron Curtis, o Gwmdâr, yn dilyn ymosodiad tu allan i'r Colliers Arms yn ardal Penywaun, Rhondda Cynon Taf ar 17 Hydref.

Yn Llys y Goron Casnewydd fe wnaeth Daniel Howells-Thomas, 24, bledio'n euog i gyhuddiad o ddynladdiad yn achos Mr Curtis, ac i gyhuddiad o ymosod ar ddyn arall.

Fe wnaeth y Barnwr Daniel Williams ohirio'r achos a bydd Howells-Thomas yn cael ei ddedfrydu'n ddiweddarach.