Cwpan Pinatar: Cymru 3-1 Yr Alban

Wales v ScotlandSNS

Mae Cymru'n gwneud ei ymddangosiad cyntaf yng Nghwpan Pinatar

Rhwydodd Jess Fishlock ddwywaith wrth arwain merched Cymru i fuddugoliaeth yn erbyn Yr Alban brynhawn Mercher.

Yn rhan o Gwpan Pinatar, sy'n cael ei chwarae'n Sbaen, golygai fod Cymru wedi sicrhau lle yn y rownd gynderfynol.

Doedd hi ddim yn gychwyn delfrydol i'r cochion wrth ildio gôl yn hwyr yn yr hanner cyntaf drwy beniad Lana Clelland.

Ond sicrhaodd gic o'r smotyn Fishlock fod y ddau dîm yn mynd fewn i'r egwyl yn gyfartal.

Eleni yw ymddangosiad gyntaf Cymru yn y gystadleuaeth, gyda'r Alban yn ddeiliaid y gwpan yn dilyn eu buddugoliaeth yn 2020.

Ond roedd y Dreigiau ar y blaen yn fuan yr ail hanner, diolch eto i Fishlock, cyn i Tash Harding gwblhau'r sgorio wrth ddarganfod gefn y rhwyd o ongl dynn wedi 61 munud.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan BBC ALBA

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Llwyddodd Gemma Grainger hefyd i ddod a sawl eilydd ymlaen wrth i'r gêm ddod i ddiweddglo yng ngwres Sbaen, gyda munudau gwerthfawr ar y maes i Megan Wynne ac Angharad James.

Ond hefyd yn gwneud ymddangosiad hwyr ar y maes, llwyddodd Helen Ward i ddod yn agosach at y 100 drwy ennill cap rhif 98 dros ei gwlad.

Bydd Cymru nawr yn wynebu un ai Slofacia neu Wlad Belg yn y rownd gynderfynol nos Sadwrn.

Pynciau cysylltiedig

Straeon perthnasol