Dyn yn cyfaddef iddo ladd Lily Sullivan, 18, yn Sir Benfro

Cafodd corff Lily Sullivan ei ganfod yn oriau mân 17 Rhagfyr

Mae dyn wedi cyfaddef iddo ladd dynes 18 oed yn Sir Benfro fis Rhagfyr diwethaf.

Cafwyd hyd i gorff Lily Sullivan ym Mhenfro ar 17 Rhagfyr.

Mewn gwrandawiad ddydd Llun fe wnaeth Lewis Haines, 31 oed o Landyfái, Sir Benfro, bledio'n euog i ddynladdiad.

Ond penderfynodd yr erlyniad y byddant yn bwrw 'mlaen ag achos o lofruddiaeth, a fydd yn cael ei gynnal yn Llys y Goron Abertawe ar 20 Mehefin.