Digwyddiadau Mas ar y Maes wedi 'denu atgasedd a sylwadau sarhaus'

Paned o Gê

Mae digwyddiadau Mas ar y Maes wedi bod yn rhan o'r Eisteddfod Genedlaethol ers Prifwyl Caerdydd yn 2018

Mae Mas ar y Maes, sy'n cynnal a hyrwyddo digwyddiadau LHDTC+ yn yr Eisteddfod Genedlaethol, yn dweud fod rhai o'r digwyddiadau eleni wedi "denu atgasedd a sylwadau sarhaus".

Mewn datganiad ar y cyfryngau cymdeithasol, dywedodd yr ŵyl fod "brwdfrydedd, egni a sylwadau cadarnhaol" mwyafrif y bobl fu'n mynychu'r digwyddiadau yn ystod yr wythnos wedi bod yn destun balchder mawr i'r trefnwyr.

Ond aeth ymlaen i ddweud ei bod yn "dorcalonnus" fod rhai digwyddiadau wedi denu sylwadau negyddol.

Ychwanegodd fod hynny yn "ein hatgoffa o bwysigrwydd bodolaeth Mas ar y Maes".

Mae digwyddiadau Mas ar y Maes wedi bod yn rhan o'r Eisteddfod Genedlaethol ers Prifwyl Caerdydd yn 2018.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Mas ar y Maes

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

"Diolch i'r cannoedd ohonoch sydd wedi heidio draw i ddigwyddiadau #MasArYMaes yn Eisteddfod Ceredigion eleni," meddai datganiad Mas ar y Maes, sydd wedi cael ei ail-drydar gan gyfrif yr Eisteddfod.

"Mae'ch brwdfrydedd, egni a'ch sylwadau cadarnhaol yn llenwi'r partneriaid a'r trefnwyr â balchder.

"Serch yr holl bositifrwydd, mae'n dorcalonnus bod rhai o'n digwyddiadau wedi denu atgasedd a sylwadau sarhaus.

"Mae'n holl bartneriaid, perfformwyr a chyfranwyr yn gwbl glir - nid oes croeso i gasineb ar faes yr Eisteddfod, na chwaith wrth ymateb i'n cynnwys ar y cyfryngau cymdeithasol.

"Mae targedu perfformwyr, rhai ohonynt sy'n bobl ifanc, yn llwyr annerbyniol.

"Er lleiafrif yw'r ymatebion negyddol, mae'n ein hatgoffa o bwysigrwydd bodolaeth Mas ar y Maes a'r frwydr o waredu casineb sydd yn parhau."

Aled Llywelyn

Ymysg digwyddiadau Mas ar y Maes eleni oedd perfformiad Cabarela ar lwyfan y Pafiliwn nos Fawrth

Ddydd Mercher fe wnaeth yr Eisteddfod rannu lluniau ar Twitter o sesiwn Amser Stori Drag yn y Pentref Plant.

Fe wnaeth y lluniau hynny ddenu sylwadau negyddol gan sawl person a oedd yn dweud fod y sesiwn yn anaddas i blant - sylwadau sydd bellach wedi'u cuddio gan yr Eisteddfod.

Diwrnod yn ddiweddarach, mewn ymateb i'r post gwreiddiol, dywedodd yr Eisteddfod ar Twitter: "Diolch i bawb sydd wedi cefnogi'r sesiwn hon.

"Rydyn ni'n ymroddedig i ddathlu amrywiaeth o bob math ar bob un o'n llwyfannau gan gynnwys y Pentref Plant."

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter 2 gan eisteddfod

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Yn gynharach yn yr wythnos dywedodd Iestyn Wyn o Stonewall Cymru fod Cymry yn "licio meddwl" eu bod nhw'n gynhwysol tuag at bobl LHDTC+, ond bod "dal ffordd i fynd" i sicrhau bod pobl o fewn y gymuned yn gyfforddus yn mynegi eu hunain.

"Mae pethau'n gwella'n bendant, ond mae dal ffordd i fynd," meddai.

Pynciau cysylltiedig

Straeon perthnasol