Minffordd: Mab yn pledio'n ddieuog i lofruddiaeth ei dad

Bu farw Dafydd Thomas ar 25 Mawrth, 2021

Mae dyn o Finffordd ger Penrhyndeudraeth, Gwynedd wedi gwadu iddo ladd ei dad yn ei gartref ym Mawrth 2021.

Fe wnaeth Tony Thomas, sy'n 44 oed, bledio'n ddieuog i gyhuddiadau o lofruddio a dynladdiad yn Llys y Goron yr Wyddgrug ddydd Llun.

Roedd ei dad Dafydd Thomas, 65 oed, yn gyfarwyddwr ar gwmni Gwynedd Environmental Waste Services.

Mae disgwyl i'r achos barhau am dair wythnos.