Cynnal angladd Clare Drakeford, gwraig Prif Weinidog Cymru

Mark Drakeford yn cyrraedd gyda'i deulu ar gyfer y gwasanaeth preifat fore IauJohn Myers/WalesOnline

Mark Drakeford yn cyrraedd gyda'i deulu ar gyfer y gwasanaeth preifat fore Iau

Mae angladd Clare Drakeford, gwraig Prif Weinidog Cymru, wedi ei gynnal yng Nghaerdydd.

Bu farw'n sydyn yn 71 oed fis diwethaf.

Cyrhaeddodd Mark Drakeford gyda'i deulu ar gyfer y seremoni breifat yn Amlosgfa Draenen Pen-y-graig yn y brifddinas fore Iau.

Mewn neges ar ei gyfrif Twitter, dywedodd Mr Drakeford fod yr "wythnosau diwethaf wedi bod yn anodd, ond rydym yn ddiolchgar o bob neges o gydymdeimlad".

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Mark Drakeford

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Roedd Llywydd y Senedd, Elin Jones, arweinydd Plaid Cymru, Adam Price ac arweinydd y Ceidwadwyr Cymreig yn y Senedd, Andrew RT Davies ymhlith y rhai oedd yno.

Roedd y cyn-brif weinidog Carwyn Jones hefyd yn bresennol, a gweinidogion Llafur yn cynnwys Vaughan Gething, Jeremy Miles, Jane Hutt, Julie James a Julie Morgan, a'r Democrat Rhyddfrydol Jane Dodds.

Mae gan Mark a Clare Drakeford dri o blant, ac roedden nhw wedi byw ym Mhontcanna, Caerdydd ers 30 mlyneddGetty Images

Mae gan Mark a Clare Drakeford dri o blant, ac fe briododd y ddau yn 1977

Mynegwyd cydymdeimlad ar draws y sbectrwm gwleidyddol pan gyhoeddwyd marwolaeth Mrs Drakeford ar 28 Ionawr.

Dywedodd Prif Weinidog y DU, Rishi Sunak ei fod yn gwybod "pa mor ymroddedig oedd Mark a Clare i'w gilydd".

Dywedodd arweinydd Llafur y DU, Syr Keir Starmer, fod Mark Drakeford a'i deulu "i gyd yn ein meddyliau a'n gweddïau".

Pynciau cysylltiedig

Straeon perthnasol