Cyhoeddi tîm newydd Plaid Cymru yn y Senedd

Tîm Plaid Cymru yn y Senedd

Mae arweinydd newydd Plaid Cymru, Rhun ap Iorwerth wedi cyhoeddi ei dîm yn Senedd Cymru.

Mae Delyth Jewell wedi'i phenodi'n Ddirprwy'r Senedd, a bydd yn dirprwyo dros faterion seneddol gan gynnwys Cwestiynau i'r Prif Weinidog yn absenoldeb yr arweinydd.

Mae'r cyn-ddirpwy arweinydd Sian Gwenllian yn "aelod dynodedig arweiniol" o ran y cytundeb cydweithio gyda Llywodraeth Cymru.

Mabon ap Gwynfor fydd y llefarydd ar iechyd a gofal, tra bydd Luke Fletcher yn llefarydd yr economi.

Dywedodd Mr ap Iorwerth y byddai ffocws y blaid yn y Senedd yn "gadarn" ar faterion allweddol gan gynnwys y gwasanaeth iechyd, tai a chostau byw.

Mae'r cyn-arweinydd Adam Price yn llefarydd ar gyfiawnder a materion Ewropeaidd.

Dyma'r tîm a benodwyd yn llawn:

• Rhun ap Iorwerth - Aelod Dynodedig, cyfansoddiad

• Delyth Jewell - Dirprwy Senedd, newid hinsawdd

• Llyr Gruffydd - Cadeirydd y Grŵp, materion gwledig

• Heledd Fychan - Rheolwr Busnes, addysg, y Gymraeg a diwylliant

• Mabon ap Gwynfor - Prif chwip, iechyd, gofal cymdeithasol a thai

• Adam Price - Cyfiawnder a materion Ewropeaidd

• Peredur Owen Griffiths - Cyllid a llywodraeth leol

• Sioned Williams - Cyfiawnder cymdeithasol a gwasanaethau cymdeithasol

• Luke Fletcher - Economi

• Sian Gwenllian - Aelod Dynodedig Arweiniol

• Cefin Campbell - Aelod Dynodedig