Lluniau Gŵyl Rhuthun 2025

Roedd Rhuthun yn llawn dop dros y penwythnos wrth i gannoedd fynd i'r dref yn y gogledd ddwyrain i fwynhau cerddoriaeth a chymdeithasu.

Roedd dathliadau Top Dre, sy'n cloi wythnos o ddigwyddiadau yng Ngŵyl Rhuthun, yn cynnwys corau ac ysgolion lleol ac artistiaid fel Yws Gwynedd, Welsh Whisperer, Gwilym a TewTewTennau.

Mae'r ŵyl yn cael ei chynnal ers 1994 ac wedi ei hysbrydoli gan ddigwyddiad tebyg yn nhref Briec yn Llydaw, sydd wedi gefeillio gyda Rhuthun. Mae wedi tyfu o un diwrnod i wythnos o ddigwyddiadau.

Disgyblion Ysgol Borthyn, Rhuthun, yn edrych yn hafaidd iawn

Steel Drummers ar Lwyfan y Cloc, un o ddau lwyfan i berfformwyr

Meibion Marchan yn mynd i hwyliau ar y llwyfan...

... ac oddi ar y llwyfan

TewTewTennau, y grŵp o Lansannan

Roedd digon o amrywiaeth i ddiddanu pobl o bob oed

Roedd yr haul yn gwneud cymdeithasu yn y sgwâr yn haws...

... ond gweithio yn fwy sychedig

Sgwn i pwy mae'r dyn yma yn ei wylio?

... y Welsh Whisperer efallai?

Ifan Pritchard, o'r band Gwilym

Yws Gwynedd a'i fand oedd yn cloi'r noson

Ac roedd y dorf yn ei morio hi - 'O mae bywyd mor braf...'

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.