Pedoffeil cartrefi plant wedi marw yn y carchar yn 83 oed

Cafodd John Allen ei garcharu am oes gyda lleiafswm o 11 mlynedd dan glo yn 2014

Mae pedoffeil a gafodd ei garcharu am oes am gam-drin rhyw mewn cartrefi plant yn y gogledd wedi marw yn y carchar.

Roedd John Allen yn rhedeg nifer o gartrefi plant gan gynnwys cartref Bryn Alun yn Llai ger Wrecsam.

Cafodd ei garcharu am oes gyda lleiafswm o 11 mlynedd dan glo yn 2014 am 33 o droseddau yn dyddio 'nôl i'r 1960au hyd y 1990au.

Cadarnhaodd llefarydd ar ran Gwasanaeth Carchardai Ei Fawrhydi ei fod wedi marw mewn carchar i droseddwyr rhyw yn sir Norfolk yn gynharach fis yma yn 83 oed.

John Allen cyn cael ei ddedfrydu yn 2020

Daeth dioddefwyr eraill ymlaen gyda mwy o dystiolaeth, ac yn 2019 cafodd ei ganfod yn euog o saith trosedd arall yn erbyn plant mor ifanc â 13 oed.

Cafodd ei garcharu am 14 mlynedd a hanner yn rhagor.

Yr achos yn erbyn Allen yn 2014 oedd yr erlyniad cyntaf yn dilyn ymchwiliad Operation Pallial i honiadau o droseddau hanesyddol yn erbyn plant mewn cartrefi plant.