Rhybudd melyn am ragor o law trwm i'r de a llifogydd posibl

Bydd rhybudd melyn y Swyddfa Dywydd mewn grym tan 23:59

Mae'r Swyddfa Dywydd wedi cyhoeddi rhybudd melyn am law trwm ddydd Mercher, gan ddweud y gallai arwain at lifogydd mewn mannau.

Mae'r rhybudd mewn grym ar gyfer rhannau helaeth o dde Cymru, rhwng 06:00 a 23:59.

Mae un rhybudd llifogydd mewn grym gan Gyfoeth Naturiol Cymru, a hynny ar gyfer ardal Elái yn Llanbedr-y-fro, ac mae nifer o rybuddion 'byddwch yn barod'.

Daw'r rhybuddion wythnos ar ôl i'r de orllewin brofi llifogydd difrifol, gyda busnesau lleol yn wynebu llawer o ddifrod.

Cafodd yr A466 ei chau fore Mercher yn Upper Redbrook oherwydd y tywydd garw gyda'r Swyddfa Dywydd yn rhybuddio y gallai'r glaw achosi rhagor o drafferthion i deithwyr.

Fore Mercher roedd y rhybudd yn berthnasol i'r siroedd canlynol:

• Blaenau Gwent

• Pen-y-bont ar Ogwr

• Caerffili

• Caerdydd

• Sir Gaerfyrddin

• Merthyr Tudful

• Sir Fynwy

• Castell-nedd Port Talbot

• Casnewydd

• Powys

• Rhondda Cynon Taf

• Abertawe

• Torfaen

• Bro Morgannwg

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.