Dyn yn y llys wedi'i gyhuddo o lofruddio babi pum mis oed

Fe wnaeth Thomas Morgan ymddangos yn Llys y Goron Abertawe drwy gyswllt fideo fore Llun

Mae dyn wedi ymddangos yn y llys wedi ei gyhuddo o lofruddio babi pum mis oed.

Mae Thomas Morgan, 28, o Orseinon ger Abertawe wedi ei gyhuddo o lofruddio Jensen-Lee Dougal yng Nghlydach ar 30 Mawrth 2024.

Fe wnaeth ymddangos drwy gyswllt fideo yn Llys y Goron Abertawe ddydd Llun i gadarnhau ei enw mewn gwrandawiad byr.

Dywedodd y Barnwr Paul Thomas KC wrth Mr Morgan fod disgwyl iddo ymddangos eto yn y llys ar 5 Medi.

Clywodd y llys y gallai achos ddechrau ar 6 Ionawr y flwyddyn nesaf.

Fe fydd Mr Morgan yn cael ei gadw'n y ddalfa.