Y cyn-ddyfarnwr rygbi Nigel Owens yn ennill gwobr ffermio yn Llundain

Neidio heibio'r oriel luniau
  1. Rachel a Rheinallt Harries o Sir Gaerfyrddin - enillwyr categori Ffermwr Llaeth Gorau
    Farmers Weekly

    Rachel a Rheinallt Harries o Sir Gaerfyrddin - enillwyr categori Ffermwr Llaeth Gorau

Roedd y cyn-ddyfarnwr rygbi Nigel Owens ymhlith yr enillwyr o Gymru mewn noson i wobrwyo ffermwyr Prydain yn Llundain.

Cafodd Owens ei enwi yn Bencampwr Ffermio'r Flwyddyn yng ngwobrau blynyddol Farmers Weekly yn y Grosvenor House Hotel, Park Lane nos Iau.

Ers ymddeol o rygbi yn 2020, mae Owens wedi bod yn canolbwyntio mwy ar ei fferm ym Mynyddcerrig yn Sir Gaerfyrddin.

"Mae hyn yn gymaint o fraint," meddai Owens ar y cyfryngau cymdeithasol wedi'r seremoni.

"Ond dwi'n derbyn y wobr ar ran yr holl ffermwyr sy'n gweithio'n galed i fwydo'r genedl. Diolch o galon."

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Nigel Owens MBE

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Dywedodd Farmers Weekly fod Owens wedi ei gydnabod am ymgyrchu ar faterion gwledig a phwysigrwydd iechyd meddwl yn y gymuned amaethyddol.

"P’un a yw’n degwch i ffermwyr, yr angen i weithredu ar sicrwydd bwyd, y frwydr yn erbyn TB mewn gwartheg neu’r effaith gadarnhaol a gaiff ffermio ar yr amgylchedd, mae’n eiriolwr penderfynol ac yn hynod haeddiannol o’r wobr hon," meddai Tom Bradshaw, llywydd undeb yr NFU.

Dylan Jones

Dylan Jones a Nigel Owens yn dathlu eu llwyddiant gyda'i gilydd ar y llwyfan

Roedd yna Gymry eraill yn fuddugol yn y gwobrau hefyd, gan gynnwys Dylan Jones o fferm Castellior ar Ynys Môn a enillodd y wobr Ffermwr Cig Eidion y Flwyddyn.

Rheinallt a Rachel Harries o fferm Llwynmendy Uchaf yn Sir Gâr oedd enillwyr gwobr Ffermwr Llaeth y Flwyddyn.

Enillodd Logan Williams o fferm Tirmynydd yn Sir Gâr y wobr am Fyfyriwr Amaeth y Flwyddyn, tra bod Jonathan Crimes, o Cara Wales, Dyfed, hefyd wedi wobrwyo yn y categori Cynghorydd ar Dda Byw (Livestock Adviser).

Pynciau cysylltiedig

Straeon perthnasol