Tân mawr mewn ysgol wedi ei gynnau'n fwriadol
Fe dreuliodd criwiau Tân ac Achub pum awr yn ceisio diffodd y tân
- Cyhoeddwyd
Cafodd tân sydd wedi difrodi hen ysgol yn Abertawe ei gynnau'n fwriadol, yn ôl swyddogion tân.
Fe dreuliodd Gwasanaeth Tân ac Achub Canolbarth a Gorllewin Cymru bum awr ar y safle ar ôl cael eu galw i hen Ysgol Gorseinon ddydd Gwener.
Roedd pedwar criw yn ceisio diffodd y tân pan oedd ar ei anterth.
Cafodd busnesau a phobl leol gyngor i aros y tu mewn ac i gau ffenestri a drysau.