Danny Wilson yn gadael Harlequins i ymuno â thîm hyfforddi Cymru

Mae Danny Wilson wedi bod yn hyfforddi gyda Harlequins ers 2023

Mae Danny Wilson wedi cael ei benodi yn hyfforddwr cynorthwyol i Steve Tandy, prif hyfforddwr newydd tîm rygbi dynion Cymru.

Fe wnaeth Wilson, 49, weithio gyda'r tîm cenedlaethol ar y daith i Japan yn ystod yr haf fel hyfforddwr blaenwyr ond mae bellach wedi ei benodi yn aelod parhaol o'r tîm rheoli.

Mae Wilson yn gyn-brif hyfforddwr ar dîm dan-21 Cymru a fo yw penodiad cyntaf Tandy ers iddo gamu i'r swydd.

Bu Wilson hefyd yn hyfforddi gyda'r Alban rhwng 2018 a 2020.

"Mae hwn wedi bod yn benderfyniad anodd iawn i mi ei wneud gan fy mod i wedi mwynhau fy amser gyda Quins yn fawr, ond roedd y cyfle i ymuno â Chymru a dychwelyd i rygbi rhyngwladol yn gyfle rhy dda i'w wrthod," meddai.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.