Tîm rygbi Cymru yn colli 18 o gemau yn olynol

Taulupe Faletau yn cael ei daclo gan Shuhei TakeuchiGetty Images

Gorffennodd y gêm gyda sgôr o 24-19 i Japan

Colli oedd hanes tîm rygbi Cymru unwaith eto fore Sadwrn i ffwrdd yn erbyn Japan, gyda sgôr o 24-19.

Roedd y golled yn golygu fod Cymru wedi colli 18 gêm yn olynol a heb ennill ers chwarae Georgia yng Nghwpan y Byd 2023 - sydd 21 mis yn ôl.

19-7 i Gymru oedd y sgôr ar yr hanner, yn dilyn ceisiau gan Ben Thomas, Tom Rogers a chais gosb.

Ond Japan gafodd y gair olaf, wrth iddyn nhw reoli'r ail hanner yn llwyr a cheisiadau i Matsunaga, Nakakusu a Vailea.

Tom Rogers o Gymru yn sgorio caisGetty Images

Tom Rogers o Gymru wnaeth sgorio trydydd cais y tîm

Cafodd Ben Carter, blaenwr i Gymru, anaf i'w ben ym munud cyntaf y gêm a chael ei gario i ffwrdd o'r cae.

Roedd Cymru yn edrych yn gyfforddus ar y cae yn yr hanner cyntaf, ond roedd y ddau dîm yn gwneud camgymeriadau - dim ond 80 tacl gafodd eu cwblhau i gyd.

Dirywio gwnaeth y chwarae wrth i'r hanner agosáu, gyda Chymru yn rhedeg allan o syniadau.

Cafodd Japan fwy o ryddid yn yr ail hanner i chwarae, gan gosbi Cymru.

Roedd hi'n anodd i Gymru ail gydio yn y gêm ac roedd y diffyg strwythur yn golygu na wnaethon nhw sgorio pwynt yn yr hanner cyfan.

Gorffennodd y gêm gyda sgôr o 24-19 i Japan.

James Ratti yn cael ei daclo gan Ichigo NakakusuGetty Images

Japan: Takuro Matsunaga; Kippei Ishida, Dylan Riley, Shogo Nakano, Malo Tuitama; Seungsin Lee, Shinobu Fujiwara; Yota Kamimori, Mamoru Harada, Shuhei Takeuchi, Epineri Uluiviti, Warner Deans, Michael Leitch, Jack Cornelsen, Amato Fakatava.

Y fainc: Hayate Era, Sena Kimura, Keijiro Tamefusa, Waisake Raratubua, Ben Gunter, Shuntaro Kitamura, Ichigo Nakakusu, Halatoa Vailea.

Cymru: Blair Murray; Tom Rogers, Johnny Williams, Ben Thomas, Josh Adams; Sam Costelow, Kieran Hardy; Nicky Smith, Dewi Lake, Keiron Assiratti, Ben Carter, Teddy Williams, Alex Mann, Josh Macleod, Taulupe Faletau.

Y fainc: Liam Belcher, Gareth Thomas, Archie Griffin, James Ratti, Aaron Wainwright, Tommy Reffell, Rhodri Williams, Joe Roberts.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Pynciau cysylltiedig