Lluniau: Dydd Llun Eisteddfod yr Urdd

Mae diwrnod cyntaf Eisteddfod yr Urdd Maldwyn 2024 wedi cyrraedd ac mae plant a phobl ifanc ar draws Cymru wedi heidio i'r maes ym Meifod.

Bu camera Cymru Fyw o amgylch y maes yn dal hwyl a bwrlwm dydd Llun!

Mistar Urdd gyda Steffan Harri, Llywydd y Dydd

Cystadleuwyr brwdfrydig tu allan i'r Pafiliwn Gwyrdd

Ffred a Meinir Ffransis sy'n dathlu 50 mlynedd o'u busnes Cadwyn eleni

Mae Cadwyn yn un o hoelion wyth stondinau'r Eisteddfod ac mae'r cwmni yn dathlu 50 mlynedd eleni.

Dywedodd Ffred Ffransis fod y genhedlaeth newydd yn gwneud y gwaith o gario cynnyrch y stondin i'r maes erbyn hyn a'i fod ef a'i wraig Meinir "yn cael mwynhau".

Disgyblion Ysgol y Garnedd, Bangor yn ymarfer cyn y gystadleuaeth Dawnsio Gwerin

Mae Elen a Caio yn barod am bob tywydd!

50 mlynedd o Gwm Rhyd-y-Rhosyn

Cyn mynd ati i ganu hen ffefrynnau fe ddywedodd Dafydd Iwan: "Mae'n destun rhyfeddod mawr i mi, ac i Edward, eich bod chi'n dal i wrando."

Fe berfformiodd y ddau rhai o glasuron Cwm Rhyd-y-Rhosyn ar stondin y Mudiad Meithrin.

'Sa Neb Fel Eden!

Mae pabell PABO, neu lwyfan 'Sa Neb Fel Ti, yn rhan o ardal Nant Garedig y Maes.

Fore dydd Llun roedd Mari Grug yn holi merched Eden am beth yw PABO, ond yn y prynhawn merched Eden oedd yn holi Mari am ei phodlediad newydd, 1 mewn 2, sydd wedi'i ysbrydoli gan ei thaith hi â chanser.

Miri ac Eidda yn hapus iawn i weld Criw Cyw

Seren Triban y dyfodol? Roedd 15 o offerynwyr yn cystadlu yn yr Unawd Gitâr Bl.6 ac iau yn Yr Adlen

Amser cinio!

Y Fedal Gelf, Dylunio a Thechnoleg

Mae Saffron Lewis, enillydd y Fedal Gelf, Dylunio a Thechnoleg yn fyfyriwr yng Ngholeg Sir Benfro ac ar fin mynd i Brifysgol Metropolitan Caerdydd i astudio Celfyddyd Gain

Wanesa Kazmierowska o Abertawe yw enillydd Ysgoloriaeth Artist Ifanc

Magi Gwen, Madoc, Alaw ac Enfys yn mwynhau picnic cyn mynd i'r ffair nes ymlaen

Cyfle i liwio a thynnu llun ym mhabell Cwiar Na Nog – mae Gwilym a Brychan yn mwynhau!

Mabli a Hanna o Gaerfyrddin yn mwynhau chwarae yn y bocs tywod tu allan i'r GwyddonLe

Elis James yw CogUrdd 2024

Elis James o Goleg Ceredigion (Campws Aberteifi) yw CogUrdd 2024.

Mae'n derbyn gwobr gan y cogydd Bryn Williams, sef diwrnod o brofiad gwaith yn ei fwyty ym Mae Colwyn, Porth Eirias yn ogystal â phryd i bedwar yn y bwyty.