Oriel: 170 o feicwyr ar lonydd Pen Llŷn

Eifion Roberts yw Cadeirydd Beicwyr Llŷn ac un o drefnwyr y rali

Dros y penwythnos roedd lonydd Pen Llŷn yn batrymau lliwgar o feiciau modur yn gyrru mewn confoi.

Roedd 170 o feiciau modur yn rhuo o bentref i bentref gydag un bwriad: i gasglu arian i achosion da.

Mae'r ddefod yn un flynyddol, gyda Chlwb Beicwyr Llŷn yn trefnu'r rali.

Mae'r clwb wedi bod mewn bodolaeth ers 2010, ers i glwb beicio Abersoch and District a sefydlwyd yn 2009 newid ei enw.

Erbyn hyn mae dros 50 o feicwyr yn dod at ei gilydd pob mis gyda'r bwriad o "wneud gwahaniaeth ym mywydau pobl eraill ac i gael hwyl."

Dyna ddisgrifiad cadeirydd y clwb, Eifion Roberts.

"Mae'r rali flynyddol wedi bod yn digwydd ers 14 blynedd. Rydym wedi casglu bron i £72,000 at achosion da," meddai.

Mae aelodau yn teithio o bell a dros y penwythnos roedd beicwyr cyn belled â Birmingham wedi ymuno yn y rali.

Roedd y Maes ym Mhwllheli yn llawn beics o bob maint a lliw ac roedd Arwyn 'Herald' Roberts yno i ddal y cyfan drwy lens ei gamera ar ran BBC Cymru Fyw.

Roedd dros 170 o feicwyr yn rhan o'r rali

Roedd Rob Thompson (chwith) wedi teithio'r holl ffordd o Birmingham i gymryd rhan yn y rali.

Lily sy'n 3 mis oed oedd y person ieuengaf ar ddechrau'r rali; yma mae hi gyda'i mam Lois a'i thaid Dafydd Llew

Roedd y rali yn cynnwys taith drwy dref Criccieth

Mae Keith Walters a Kevin Williams yn aelodau sy'n byw yng Nghaernarfon

Maes Pwllheli oedd man cychwyn y rali cyn gorffen yn Aberdaron

Roedd yna gynrychiolaeth o dîm Beicwyr Môn ar gyfer y rali

Roedd y rali yn cynnwys taith bum awr o amgylch lonydd Pen Llŷn

Roedd Enlli Williams yno i gadw trefn ar yr holl feicwyr

Roedd Angela Jones o Bwllheli, sydd newydd gael trawsblaniad, yno i ddangos ei chefnogaeth