Hen luniau Eisteddfod Ryngwladol Llangollen

Am un wythnos bob blwyddyn mae perfformwyr o wledydd ar draws y byd yn heidio i Langollen i rannu eu diwylliant a chystadlu yn yr Eisteddfod Ryngwladol.

Ac fel mae'r lluniau yma yn eu dangos, mae digon o berfformio a hwyl wedi bod ers yr un gyntaf un yn 1947.

Bryd hynny fe wnaeth pobl o saith gwlad ymuno gyda chorau o Gymru, Lloegr a'r Alban i gystadlu. Y bwriad oedd annog gwell dealltwriaeth a chyfeillgarwch rhwng pobl gyffredin o ddiwylliannau gwahanol yn dilyn yr Ail Ryfel Byd.

Eleni mae disgwyl dawnswyr, cerddorion a chorau o dros 30 o wledydd yn Llangollen, fydd yn parhau gyda thraddodiad sydd bron yn 80 mlwydd oed.

Grŵp yn perfformio y tu allan i'r orsaf yn Llangollen yn yr Eisteddfod Ryngwladol gyntaf yn 1947

Y Kobenhavn Kammerkor - Côr Copenhagen, o Ddenmarc - yn dathlu ennill y gystadleuaeth Cân Werin Draddodiadol yn 1948

Dawnswyr Pwylaidd o Ynys Môn wnaeth ennill y ddawns werin draddodiadol yn 1948

Dawnsio yn y stryd yn 1949

Grŵp o ddawnswyr o Tsiecoslofacia - bellach gwledydd y Weriniaeth Tsiec a Slovacia

Y Frenhines Elizabeth II yn ymweld â'r Eisteddfod yn 1953

Gŵr o Bortiwgal yn rhoi ei lofnod, tua 1956. Gyda chymaint o bobl o wledydd gwahanol yn Llangollen, mae casglu llofnodion ac ysgrifen mewn ieithoedd gwahanol wedi bod yn boblogaidd ers degawdau

Dawnswyr traddodiadol - ac athletaidd iawn. Blwyddyn anhysbus

Y cyflwynydd Alan Stewart yn cyfweld â grŵp o ddawnswyr o Sbaen yn 1975

Dawnswyr o Newcastle upon Tyne yn 1976

Cyflwynydd BBC Cymru Alun Williams gydag aelodau o grŵp dawns Indiaidd o Walsall

Dau berfformiwr o Sardinia yn 1976

Grŵp dawnswyr o Wcráin, o Fanceinion, yn 1976

Y cyflwynydd Hywel Gwynfryn yn cael gwers chwarae pib yn 1987

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.