Rhaglen Cofio: 19 mlynedd o dwrio yn yr archif
- Cyhoeddwyd
Ar ôl 19 mlynedd a 950 o benodau, mae'r gyfres Cofio yn dod i ben ar BBC Radio Cymru; rhaglen oedd yn twrio drwy'r archif am ambell i berl, ac yn cael sgyrsiau euraidd gyda gwestai oedd â stori ddiddorol.
Dyma rai o'r clipiau gorau a roddodd gipolwg i ni ar y gorffennol:
Ellen Evans yn cofio suddo'r Titanic a'r Lusitania a Diwygiad Evan Roberts
Atgofion y diweddar Aled Glynne Davies, cyn-olygydd BBC Radio Cymru, am y syniad gwreiddiol tu ôl i Cofio yn 2006
Tybed beth oedd hoff emyn Ryan Davies? Ei fab Arwyn Davies fu'n hel atgofion amdano yn arwain ei gymanfa ganu gyntaf yng nghwmni'r cyn blismon o Gaerfyrddin Ronw James
Sgwrs ag un o actorion gwreiddiol Pobol y Cwm, Lisabeth Miles (Megan) i ddathlu 40 mlwyddiant y gyfres yn 2015
Alun Williams yn holi dau o Fois y Cilie sef Alun a Dai yn y 60au am eu brawd John Ceredigion Jones
Arthur Rowlands yn sgwrsio gyda Hywel Gwynfryn - cafodd Arthur ei saethu a'i ddallu pan oedd yn gweithio fel plismon
Gwilym Owen yn holi Zonia Bowen, sefydlydd Merched y Wawr yn 1981
Yr awdur T Llew Jones yn cael ei holi gan Mary Middleton ar raglen Heddiw yn 1966
Ioan Gruffudd yn cofio portreadu Harold Lowe ar ffilm Titanic
Nansi Richards yn cael ei holi gan Nansi Powys yn ei chartref ym Mhenybont Fawr yn 1974
Yr wythwr Hefin Jenkins yn sôn am chwarae yn y gêm enwog lle trechodd Llanelli y Crysau Duon, 9-3 yn 1972
Atgofion pedair a weithiodd fel Land Girls yn ystod yr Ail Ryfel Byd
Dyfrig Roberts sy'n trafod hanes Meddygon Esgyrn Môn
Dylanwad llên gwerin a thraddodiadau Cymreig ar y Swynwraig Mhara Starling
Yn 1967, holodd Mary Middleton Mr Morgan oedd yn creu ei frethyn ei hun
Mike Reynolds yn cofio mentro o'r Hendy draw i Awstralia am £10
Y bardd Meirion MacIntyre Huws yn sgwrsio am ysgrifennu'r gân, Yma Wyf Innau I Fod
Prys Morgan yn holi dau - Tom Jones a Jack Roberts - a aeth i Sbaen i ymladd yn y Rhyfel Cartref
Bryn Thomas yn sgwrsio gyda Beti Rhys am ei thaith gyntaf, a hynny ar fws i India yn 1969
Pynciau cysylltiedig
Hefyd o ddiddordeb:
- Cyhoeddwyd13 Chwefror 2023
- Cyhoeddwyd3 Rhagfyr 2024
- Cyhoeddwyd30 Rhagfyr 2024