Stad rè-ùine air obair air campas sgoile ùr Mhuile

Cho-dhùin Comhairle Earra-Ghàidheal is Bhòid gu foirmeil gus stad a chur air an obair air làrach sgoile ùr ann am Muile.

Thàinig seo is luchd-iomairt a' dol gu lagh is iad a' cur an aghaidh làrach an leasachaidh.

Dh'aontaich an t-ùghdarras ionadail nas tràithe am-bliadhna campas ùr sgoile a thogail ann an ceann a deas Thobar Mhoire aig cosgais £43m, a' toirt a-steach bun-sgoil a' bhaile sin agus àrd-sgoil an eilein, a dh'aindeoin iarrtasan gun deadh an t-àrd-sgoil a thogail nas fhaisge air ceann a deas an eilein.

Nas tràithe an t-seachdain seo, dh'fhàg pàrantan air a' Chomhairle gun robh iad a' cur cuideim air a' choimhearsnachd gabhail ris a' phlana aca, is an t-ùghdarras ionadail air a ràdh gun robh dùbhlan laghail bho phàrantan a' cur a' phròiseict ann an cunnart.

Bidh èisteachd cùirteach ann san Dàmhair.

'S e sin a dh'fhàg gun robh oifigearan air stad ron seo de dh'obair-dealbhachaidh agus cùis ghnothachais.

Cuideachd cha do thòisich iad co-chomhairle air an sgoil a ghluasad gu ceann a deas Thobar Mhoire.

Aig coinneimh de Chomataidh nan Seirbheisean Coimhearsnachd Diardaoin, chaidh co-dhùnadh gu foirmeil stad a chur air an obair air an làraich sgoile.

Chuir an Comh. Tòraidheach Amanda Hampsey, a tha a' riochdachadh Muile, atharrachadh air adhart is i ag iarraidh barrachd fiosrachaidh, ach cha deach leatha.

Rinn a' Chomhairle soilleir gur e stad rè ùine a tha seo agus gu bheil làn-dùil aca a dhol air adhart leis a' phròiseact.