Cyfres yr Hydref: Cymru 24-22 De Affrica

Doedd Hadleigh Parkes ddim yn gymwys i gynrychioli Cymru nes diwrnod y gêm

Hadleigh Parkes oedd seren y gêm ar ei gap cyntaf, gan sgorio ddwywaith wrth i Gymru drechu De Affrica mewn gêm agos yng Nghaerdydd.

Aeth Cymru ar y blaen o fewn pum munud, wrth i gic dda gan Dan Biggar i lwybr Hallam Amos agor amddiffyn y Springboks, gan arwain at gais i'r canolwr Scott Williams.

Ychwanegodd Parkes gais arall o fewn munudau yn dilyn cic dda arall gan Biggar dros amddiffyn De Affrica.

Aeth yr ymwelwyr ar y sgorfwrdd am y tro cyntaf gyda chic gosb gan Handre Pollard, cyn i Parkes ychwanegu ei ail gais ar ôl i Biggar lwyddo i rwystro cic amddiffynnol.

Ond fe wnaeth De Affrica daro 'nôl cyn hanner amser, gyda Warrick Gelant yn cyrraedd cic Jesse Kriel am gais.

Leigh Halfpenny sgoriodd y pwyntiau buddugol i Gymru

Fe wnaeth yr ymwelwyr ddechrau'r ail hanner fel y gorffennon nhw'r cyntaf, wrth i'r maswr Handre Pollard groesi am gais cyn taro'r pyst gyda'i drosiad.

• Cymru 21-29 Awstralia

• Cymru 13-6 Georgia

• Cymru 18-33 Seland Newydd

Ychwanegodd Kriel gais ar ôl 56 munud, ac roedd Pollard yn llwyddiannus gyda'r trosiad o'r ystlys i roi'r Springboks ar y blaen am y tro cyntaf yn y gêm, o 22-21.

Ond fe sgoriodd Leigh Halfpenny'r pwyntiau allweddol, wrth iddo lwyddo gyda chic gosb gyda 14 munud yn weddill.

Fe sgoriodd Handre Pollard 12 pwynt gyda chais a thair cic