Cadw yn croesawu ymwelwyr i henebion Cymru

Abaty Nedd fydd yr adeilad cyntaf i agor fel rhan o'r cynllun

Bydd Cadw - gwasanaeth amgylchedd hanesyddol Llywodraeth Cymru - yn lansio Drysau Agored 2019 ddydd Iau er mwyn croesawu ymwelwyr i adeiladau hanesyddol y wlad.

Bydd y lansiad swyddogol yn Abaty a Phorthdy Nedd ger Castell-nedd.

Dros y mis nesaf fe fydd Cadw'n agor eu drysau i nifer fawr o henebion Cymru.

Mae hyn yn rhan o ymgyrch dwristiaeth Blwyddyn Darganfod Llywodraeth Cymru ar gyfer 2019.

Bydd y rhaglen yn cynnig mynediad i nifer o safleoedd sydd fel arfer ar gau i'r cyhoedd, ac fe fydd teithiau tywys yn cael eu cynnig hefyd ar nifer o safleoedd ar draws y wlad.

Bydd y safleoedd canlynol yn cael eu hagor i'r cyhoedd:

7-8 Medi:

• Neuadd Ganoloesol Hafoty

• Castell Dolforwyn

• Castell Oxwich

• Gwaith Haearn Blaenafon

• Castell Cydweli

• Caer Rufeinig Segontium

• Ffynnon Gwenffrewi

14-15 Medi:

• Castell Cas-gwent

• Castell y Bere

• Abaty Ystrad Fflur

• Taith y 3 Chastell:Grosmont, Skenfrith, Castell Gwyn

21-22 Medi:

• Neuadd Ganoloesol Hafoty

• Barclodiad-y-Gawres

• Llys a Chastell Tretŵr

• Castell Talacharn

• Baddonau Rhufeinig Caerllion

• Amffitheatr Caerllion

• Cae'r Gors

28-29 Medi:

• Llys yr Esgob Tyddewi

• Capel y Rug

• Castell Dinbych

• Eglwys Llangar

• Abaty Glyn y Groes

• Castell Rhuddlan

• Castell Cricieth

• Castell Harlech

• Abaty a Gwaith Haearn Nedd

• Priordy Ewenni