Dyn wedi ei sathru gan wartheg yng Ngwynedd

Mae dyn canol wedi ei gludo i'r ysbyty ar ôl cael ei sathru gan wartheg yn ardal Tywyn, Gwynedd.

Cafodd ei gludo gan ambiwlans awyr gwylwyr y glannau i Ysbyty Brenhinol Stoke, lle mae'n cael triniaeth yn yr uned trawma difrifol.

Dywedodd llefarydd ar ran y Gwasanaeth Ambiwlans iddynt gael eu galw i'r digwyddiad ychydig cyn 08:00 bore Mercher, a'u bod wedi cael cymorth Ambiwlans Awyr Cymru a Gwylwyr y Glannau wrth ymateb i'r digwyddiad.

Cafodd y dyn driniaeth ar y safle cyn gadael yn yr hofrennydd am 10:25.

Deellir fod anafiadau'r dyn yn rhai difrifol.