Cyhoeddi rhestr fer Gwobr Gerddoriaeth Gymreig 2020

Adwaith

Adwaith enillodd y wobr yn 2019

Mae rhestr fer Gwobr Gerddoriaeth Gymreig 2020 wedi ei chyhoeddi.

Mae 15 albwm wedi cael eu rhestru ar gyfer y wobr, yn cynnwys albymau Ani Glass, Gruff Rhys, Georgia Ruth, Don Leisure ac Yr Ods.

Llynedd y band Adwaith enillodd y wobr gyda'r albwm Melyn.

Dyma'r degfed tro i'r wobr gael ei rhoi, a bydd enillydd eleni yn cael ei gyhoeddi ar 19 Tachwedd.

Y rhestr fer

  • Ani Glass - Mirores

  • Colorama - Chaos Wonderland

  • Cotton Wolf - Ofni

  • Deyah - Care City

  • Don Leisure - Steel Sakuzki

  • Georgia Ruth - Mai

  • Gruff Rhys - Pang!

  • Islet - Eyelet

  • Keys - Bring Me The Head of Jerry Garcia

  • Kidsmoke - A Vision In The Dark

  • Los Blancos - Sbwriel Gwyn

  • Luke RV - Valley Boy

  • Right Hand Left Hand - Zone Rouge

  • Silent Forum - Everything Solved at Once

  • Yr Ods - Iaith y Nefoedd

Cafodd y Wobr Gerddoriaeth Gymreig ei sefydlu yn 2011 gan y cyflwynydd Huw Stephens a'r ymgynghorwr cerddoriaeth John Rostron, gyda phanel o farnwyr arbenigol o'r diwydiant yn dewis yr enillydd.

Dywedodd Mr Rostron: "Mae'r sector miwsig byw wedi cael ei ddinistrio'r flwyddyn hon, ac i artistiaid mae hynny'n meddwl bod y cyfle i berfformio'n fyw, ennill incwm a chynyddu eu dilyniant wedi cael ei golli.

"Ond dydy Covid-19 heb gael gwared â chwant pobl am wrando a darganfod miwsig newydd.

"Mae ffrydio a phrynu recordiau newydd wedi bod yn bwysig wrth alluogi perfformwyr i gyrraedd eu cynulleidfaoedd, ac i bawb aros mewn iechyd da gyda dos dyddiol o ganeuon newydd."

Mae enillwyr eraill y wobr yn y gorffennol yn cynnwys Boy Azooga yn 2018 a Gwenno yn 2015. Mae'r ddau wedi mynd ymlaen i deithio'r byd yn chwarae eu cerddoriaeth.

Straeon perthnasol