Staff Post Brenhinol yng Nghaernarfon wedi'u heintio

Mae'r Post Brenhinol wedi cadarnhau bod naw o Swyddfa Ddosbarthu Caernarfon wedi cael Covid

Mae llefarydd ar ran y Post Brenhinol wedi cadarnhau bod naw o bobl sy'n gweithio yn Swyddfa Ddosbarthu Caernarfon wedi cael prawf positif o haint coronafeirws.

Dywedodd hefyd bod nifer yn hunan-ynysu a bod y Post Brenhinol yn dymuno gwellhad buan i'r naw.

Ychwanegodd y llefarydd bod y swyddfa ddosbarthu a mannau cymunedol gerllaw wedi'u glanhau yn drwyadl a bod y Post Brenhinol yn ystyried iechyd a diogelwch eu gweithwyr, eu cwsmeriaid a'r cymunedau lle maent yn gweithredu o ddifrif.

"Drwy'r pandemig ry'n wedi cyflwyno nifer o fesurau gan gynnwys dosbarthu heb gyswllt ac ry'n yn atgoffa ein staff yn gyson am bwysigrwydd pellter cymdeithasol, diheintio a golchi dwylo," ychwanegodd llefarydd.

Yn ystod y 24 awr ddiweddaraf, cafodd 67 o farwolaethau'n gysylltiedig â Covid-19 eu cofnodi yng Nghymru ynghyd â 801 o achosion newydd - roedd 37 o'r achosion hynny yng Ngwynedd.

• DIWEDDARAF: Ysgolion ar gau nes bod 'gostyngiad sylweddol'

• CANLLAW Beth ydy rheolau'r cyfnod clo yng Nghymru?

• IECHYD MEDDWL: Tips gan Dr Ioan Rees

• DYSGU: Dysgu adref gyda Bitesize