Ymddangosiad llys i ddyn ar gyhuddiad o dreisio

Roedd yna gyrch enfawr yn Llanbedr Pont Steffan ac ym mhentref Llangeitho yn dilyn yr ymosodiad

Mae dyn 45 oed o Dregaron sydd wedi ei gyhuddo o dreisio wedi ymddangos drwy gyswllt fideo yn Llys Y Goron Abertawe.

Cafodd Saul Henvey ei arestio wedi ymchwiliad i ymosodiad rhyw difrifol yn Llanbedr Pont Steffan ddydd Iau 6 Mai.

Ar ôl cadarnhau ei enw yn y gwrandawiad ddydd Llun, dywedodd Mr Henvey ei fod yn bwriadu cynrychioli ei hun pan fydd yr achos llawn yn cael ei gynnal.

Fe bennodd y Barnwr Paul Thomas 8 Tachwedd fel dyddiad dechrau'r achos hwnnw.

Cafodd yr achos ei ohirio nes y gwrandawiad nesaf ar 19 Gorffennaf.