Mam Logan Mwangi yn y llys wedi'i chyhuddo o'i lofruddio

Cafodd Logan ei ddisgrifio fel bachgen "caredig, doniol, a chlyfar" wedi'i farwolaeth

Mae menyw wedi ymddangos yn y llys wedi'i chyhuddo o lofruddiaeth ei mab pump oed.

Cafwyd hyd i gorff Logan Mwangi - oedd hefyd yn cael ei adnabod fel Logan Williamson - yn Afon Ogwr, Pen-y-bont ar 31 Gorffennaf.

Fe wnaeth Angharad Williamson, 30, o Sarn, ymddangos trwy gyswllt fideo yn llys ynadon ddydd Gwener.

Cafodd wybod y byddai'r achos yn mynd i Lys y Goron.

Ymddangosodd bachgen 14 oed yn Llys y Goron Casnewydd ddydd Gwener hefyd ar gyhuddiad o lofruddiaeth.

Mae Angharad Williamson a John Cole wedi'u cyhuddo o lofruddiaeth

Nid oes modd cyhoeddi ei enw oherwydd ei oedran.

Cafodd ei roi dan ofal yr awdurdod lleol cyn gwrandawiad ple ym mis Tachwedd.

Mae llystad Logan, John Cole, 39, o Sarn, hefyd wedi'i gyhuddo o lofruddiaeth.