Cyhoeddi enw dyn fu farw mewn gwrthdrawiad ar yr M4

Bu farw Thavarajah Sasikaran yn syth yn dilyn y gwrthdrawiad ddydd Gwener diwethaf

Mae Heddlu De Cymru wedi cadarnhau enw dyn 41 oed a fu farw yn dilyn gwrthdrawiad ar yr M4 ger Abertawe.

Roedd Thavarajah Sasikaran, a fu farw yn y fan a'r lle er gwaethaf ymdrechion i'w achub, yn byw yn ardal Waun Wen y ddinas.

Roedd yn cerdded ar lôn orllewinol y draffordd, rhwng cyffyrdd 46 a 47, ychydig cyn 08:35 ddydd Gwener 18 Chwefror pan ddigwyddodd y gwrthdrawiad â char Nissan Qashqai arian.

Mae ditectifs yn parhau i ymchwilio i'r digwyddiad ac yn apelio am wybodaeth neu luniau dash-cam gan unrhyw un sydd heb cysylltu â'r llu eisoes.

Maen nhw'n gobeithio clywed gan bobl allai fod wedi gweld Mr Sasikaran yn cerdded ar hyd y draffordd.