'Canu emyn, bwyta hufen iâ a joio yng Ngheredigion'

emynau/hufen iaIas/Getty

Fe fydd y daith yn dechrau yn Llanbed ac yn gorffen yn Aberystwyth

Be' sy'n gyffredin rhwng Llanbed, Penparc, Blaenannerch, Llwyncelyn ac Aberystwyth? Yr ateb cyntaf sy'n dod i'r meddwl yw pentrefi a threfi yng Ngheredigion ond maen nhw hefyd yn enwau tonau emynau!

Gydol ddydd Sadwrn bydd pobl mewn amrywiol leoliadau yn y sir yn canu'r emyn-dôn sydd wedi ei henwi ar ôl y lleoliad a hynny i gyfeiliant fan hufen iâ.

Mae'r cyfan wedi ei drefnu gan y berfformwraig Eddie Ladd a'r nod yw "cymdeithasu a chodi calon".

Nid yw’r post yma ar Facebook yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Facebook
Dyw'r BBC ddim yn gyfrifol am gynnwys gwefannau allanol. Gallai hysbysebion ymddangos yng nghynnwys Facebook.
I osgoi fideo facebook gan Eddie

Caniatáu cynnwys Facebook?

Mae’r erthygl yma’n cynnwys elfennau sydd wedi eu darparu gan Facebook. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis Facebook Meta a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Dyw'r BBC ddim yn gyfrifol am gynnwys gwefannau allanol. Gallai hysbysebion ymddangos yng nghynnwys Facebook.

"Ers sawl blwyddyn fi wedi bod eisiau mynd i lefydd a chanu'r emyn-dôn sy'n perthyn i'r lle," meddai Eddie.

"A dyma feddwl am daith - ac yna meddwl bod yn rhaid cael cerbyd i deithio i'r llefydd yma ac fe ddaeth y syniad i fi am gael fan hufen iâ sy'n rhywbeth llon ac afieithus.

"Felly y fan hufen iâ fydd yn canu'r dôn - ac fe fydd pobl yn ymgynnull ar draws Ceredigion a Chastellnewydd i ganu i gyfeiliant y fan gydol y dydd.

"Dwi wedi cael yr holl donau wedi'u recordio gan gerddor electro o'r enw Plyci - ac ers rhai wythnosau ma' corau, partïon, deuawdau ac unigolion wedi bod yn ymarfer."

Taith IÂSTaith IÂS

Fe ddechreuodd y daith yn Llanbed fore Sadwrn

"Fe fydd y daith yn dechrau yn Llanbed yn y bore am 10:30 ac yn gorffen yn Aberystwyth am 20:00 yr hwyr.

"Fi wedi galw'r daith yn IÂS - a'r bwriad yw codi calon, creu ysgafnder. Bydd y cerbyd annynol 'ma yn dod, yn llawn pethau ffein, a be' sy' well na chanu emyn a bwyta hufen iâ ar yr un pryd? Bydd pawb sy'n canu yn cael hufen iâ.

"Fi'n gobeithio y bydd nifer o bobl yn ymuno â ni ar y ffordd a bydd modd i bobl gael clonc - rhannu profiadau efallai yn ystod y cymdeithasu.

"Mae emynau wrth gwrs yn rhan gwreiddiol o'n diwylliant ni fel Cymry a mynd am drip ysgol Sul - a chael hufen iâ yn rhan o hynny."

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Eddie Ladd

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Ychwanegodd Eddie Ladd ei bod wedi cael tipyn o sbort yn cynllunio'r cyfan ac wedi dysgu llawer hefyd wrth ddewis pa eiriau i'w canu.

"Mae pob lleoliad fyddwn ni'n mynd iddyn nhw wedi rhoi enw i dôn - un enw capel sy'n eu plith sef Blaencefn.

"Fi wedi dysgu lot - doeddwn i ddim yn gyfarwydd â thonau Ceinewydd na Gogerddan, er enghraifft.

"Ond yn fwy na dim mae wedi bod yn hwyl cael pobl o bob rhan o Geredigion a'r cyffiniau yn rhan o'r cyfan - ac fe fydd yn braf gweld cynulleidfa yn ymuno â ni ar y daith ddydd Sadwrn."

Pynciau cysylltiedig

Straeon perthnasol