'Ymateb anhygoel' i gig er budd ffoaduriaid Wcráin

Llwyfan wedi'i baratoiArwel Hughes

Y gwaith paratoi yn mynd yn ei flaen ar gyfer y gig Cymru - Wcráin ar faes Sioe Môn

Gan Gareth Wyn Williams
BBC Cymru Fyw

Mae trefnwyr gig elusennol er budd ffoaduriaid o Wcráin yn dweud bod yr ymateb wedi bod yn "anhygoel" ar ôl gwerthu 1,500 o docynnau o flaen llaw.

I'w gynnal ar faes y sioe ym Mona ar Ynys Môn, bydd Bryn Fôn a'r Band, Meinir Gwilym, Elin Fflur a Bwncath ymysg yr artistiaid yn perfformio ddydd Sadwrn, 9 Ebrill.

Mae disgwyl i gannoedd deithio i'r ynys ar gyfer y digwyddiad, gyda bysiau wedi'i trefnu o Ben Llŷn a rhannau eraill o Wynedd.

Bydd yr holl elw yn mynd tuag at gefnogi ffoaduriaid o Wcráin.

'Pethau yn dod at ei gilydd rŵan'

Dywedodd Bryn Fôn, sydd hefyd yn cyd-drefnu'r diwrnod gydag Arwel Hughes o gwmni MAD, fod yr ymateb wedi bod yn "anhygoel".

"Allan o rhyw 1,500 does 'na ond tua 100 o docynnau ar ôl, mae lefel y gefnogaeth o fewn ychydig o wythnosau 'di bod yn wych ac yn amlwg mae pwrpas y diwrnod yn golygu lot i bobl," dywedodd wrth Cymru Fyw ddydd Gwener.

Erbyn nos Wener roedd pob un tocyn wedi mynd.

Bryn Fôn

Bryn Fôn a'r Band fydd yn cloi'r noson ar faes Sioe Môn er bydd ffoaduriaid o Wcráin

"Mae pethau yn dod at ei gilydd rŵan a 'da ni'n ddiolchgar i bawb sydd wedi cytuno i berfformio a chyfrannu eu hamser, mae gynnon ni griw da iawn.

"Mae na gymaint o bobl wedi rhoi eu hamser, gan gynnwys aelodau o'r ffermwyr ifanc lleol, criw Sioe Môn a'r gymuned ehangach, maen nhw i gyd 'di bod yn wych."

Yn cyflwyno'r artistiaid ar y diwrnod bydd Dewi Pws, Rhys Mwyn a Tudur Owen, gyda pherfformwyr eraill yn cynnwys Phil Gas, Band Pres Llareggub, Di-Enw ac Alffa.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Bryn Fôn

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Ychwanegodd Bryn Fôn: "Digwyddiad teuluol ydy hwn felly mae 'na groeso i bawb, ond ni fydd modd prynu tocynnau ar y drws a rhaid eu harchebu o flaen llaw.

"Yn anffodus bu'n rhaid i Blodau Papur dynnu allan oherwydd Covid, ond da ni'n ffodus iawn fod Morgan Elwy wedi camu fewn yn eu lle.

"Mi fydd gynnon ni westai arbennig, sydd â chysylltiad gydag Wcráin, ar y llwyfan yn nes ymlaen yn y noson."

Fe fydd uchafbwyntiau'r gig i'w clywed ar BBC Radio Cymru yr wythnos nesaf.

Pynciau cysylltiedig

Straeon perthnasol