Ateb y Galw: Chris Roberts
- Cyhoeddwyd
Chris Roberts
Y cwis-feistr a'r personoliaeth radio, Chris Roberts, sy'n ateb cwestiynau busneslyd Cymru Fyw yr wythnos yma.
Beth ydi dy atgof cyntaf?
Creu fersiwn cartref o WCW efo Mam.
Dy hoff le yng Nghymru a pham?
Mae Tŷ Mam a Dad yn le braf ac yn lle 'dan i'n dod at ein gilydd fel teulu yn aml.
Y noson orau i ti ei chael erioed?
Dwi'n un o'r criw sydd wedi bod yn trefnu Gŵyl Arall yn Nghaernarfon dros y blynyddoedd diwethaf. Mae Nos Sul yr ŵyl lle dani'n cael cyfle i ymlacio ac adlewyrchu ar ôl 'chydig ddyddiau eitha prysur wastad yn lot o hwyl.
Trefnwyr Gŵyl Arall
Hefyd, dwi erioed wedi teimlo mor cŵl ac oeddwni'n deimlo yn bar jazz La Fontaine yn Coppenhagen. Wedi dod ar ei draws o yn gamygymeriad ar Nos Sul a llwythi o gerddrion gwych yn mynd a dod i jamio - arbennig!
Disgrifia dy hun mewn tri gair.
Athrylith, Hynci, Diymhongar
Pa ddigwyddiad yn dy fywyd sy' o hyd yn neud i ti wenu neu chwerthin pan ti'n meddwl nôl?
Troi fyny i sioe yn y theatr a cymryd ein seddi. Criw arall yn cyrraedd yn mynnu ein bod ni yn eu seddi nhw, edrych ar ein tocynnau ac roedd rhif y sedd ar tocynnau'r ddau ohonom. Wrth edrych yn fanylach daeth yn amlwg bod ein tocynnau ni ar gyfer y noson cynt! Yn ddigon lwcus fe wnaeth y theatr ffeindio seti gwahanol i ni!
Beth oedd y digwyddiad a gododd y mwya' o gywilydd arnat ti erioed?
Mewn noson wobrwyo yn y brifysgol, oeddwn i wedi stopio talu sylw cyn clywed fy enw yn cael ei alw o'r llwyfan..nes i godi a cerdded i fyny yn meddwl mod i wedi ennill gwobr. Toeddwn i ddim, dim ond wedi fy nghrybwyll fel rhywun oedd wedi dod yn agos!
Pryd oedd y tro diwethaf i ti grïo?
Nes i ail-wylio pennod The Queen of Sheeba Royle Family yn ddiweddar ma' hwna yn gal fi BOB tro. Alla i prin wrando i Que Sera Sera heb grio rwan.
Oes gen ti unrhyw arferion drwg?
Sawl un. Yr un sy'n cael fi mewn i fwyaf o drwbwl gyda fy nghariad adref ydi cnoi fy ewinedd a'u gadael o gwmpas y tŷ.
Beth yw dy hoff lyfr, ffilm neu albym a pham?
Mae'n anodd dewis dim ond un hoff albym, ond un o'r rhai sydd yn agos at y brig ydi Dogrel gan Fontaines DC. Dwi'n meddwl bod teimlad cryf o 'le' i lot o fy hoff albyms a mae Dogrel yn bortread hynod ddifyr o Ddulyn yn y 2010au, yn llawn gwrthgyferbyniadau a cymhlethdodau. Mae wedi 'neud i fi edrych ar y ddinas mewn ffordd hollol newydd.
Chris a'i ffrind Daniel yn gig Fontaines DC
Byw neu farw, gyda phwy fyddet ti'n cael diod. Pam?
Annie Nightingale. Dwi'n gwrando ar llyfr sain ei hunangofiant ar hyn o bryd. Mae hi wedi bod yn ei chanol hi efo gymaint o fandiau ac artistiaid gwych dros y blynyddoedd ac wedi arloesi yn y byd radio, mae ganndi lwyth o straeon difyr.
Dyweda rywbeth amdanat ti dy hun nad oes yna lawer o bobl yn ei wybod
Sgenaim lot o gyfrinachau, sori. Ond mae pobl yn tueddu i synnu pan dwi'n deud fy mod i'n wyliwr selog o Coronation Street. Dwi'n licio'r hiwmor, ac yn nghanol y ddrama ma' 'na lot o gynhesrwydd i'r rhaglen hefyd.
Ar dy ddiwrnod olaf ar y blaned, beth fyddet ti'n ei wneud?
Dial ar fy ngelynion.
Pa lun sy'n bwysig i ti a pham?
Rhaid i fi gyfaddef - dwi'm yn un am luniau rhyw lawer. Ond nath Charlotte, fy nghariad a fi dynnu'r llun yma ar y diwrnod naethon ni symud i mewn hefo'n gilydd so ma hyna'n ciwt yndi?
Chris a Charlotte
Petaset ti'n gallu bod yn rhywun arall am ddiwrnod, pwy fyddai ef/hi?
Emily Eavis. Dwi erioed wedi gallu cael tocyn i Glastonbury (maen nhw'n gwerthu allan mewn munudau!) felly yn gyntaf mi fyswni'n sortio rhai i fi a fy ffrindiau. Wedyn bwcio rhai o fy hoff fandiau i chwarae, Papur Wal ar Pyramid Stage? Ia plis!
Hefyd o ddiddordeb: